Stuhia më e fortë në 50 vitet e fundit; “Filomena” do godasë Kosovën dhe Shqipërinë, ja kur pritet !!!

LAJME

Stuhia më e fortë në 50 vitet e fundit; “Filomena” do godasë Kosovën dhe Shqipërinë

Stuhia më e fortë në 50 vitet e fundit; “Filomena” do godasë Kosovën dhe Shqipërinë

Vendi ynë do të jetë me vranësira të shumta, të cilat do të sjellin reshje shiu në pjesën me të madhe të territorit dhe reshje dëbore në zonat malore gjatë paradites. Ndërsa gjatë mesditës do të ketë përmirësim të përkohshëm, pasi reshjet rikthehen në mbrëmje, ku më të theksuara do të jenë në zonat veriore dhe qëndrore.

Stuhia “Filomena” ka shkaktuar sasi të mëdha dëbore në pjesë të ndryshme të Spanjës, dhe gati gjysma e vendit ndodhet në alarm të kuq të gatishmërisë.

Udhëtimet rrugore, hekurudhore dhe ajrore janë ndërprerë dhe ministri i Brendshëm Fernando Grande-Marlaska tha se vendi po përballej me “stuhinë më të fortë në 50 vitet e fundit”.

Madridi, një nga zonat më të prekura, ka parë deri në 20 cm dëborë. Më në jug, stuhia bëri që lumenjtë të dilnin nga brigjet e tyre.

Katër vdekje janë raportuar deri më tani si rezultat i “Filomena”. Zyrtarët thanë se dy persona u gjetën të ngrirë për vdekje – njëri në qytetin Zarzalejo, në veri-perëndim të Madridit dhe tjetri në qytetin lindor të Calatayud. Dy persona që udhëtonin në një makinë u morën me vete nga përmbytjet pranë qytetit jugor të Malaga. Ndërsa bora ra në Madrid të premten në mbrëmje, një numër automjetesh u bllokuan në një autostradë pranë kryeqytetit. Aeroporti i qytetit Barajas është mbyllur, së bashku me një numër rrugësh, dhe të gjitha trenat nga Madridi janë anuluar.

Stuhia që ka goditur Spanjën pritet të zhvendoset javën e ardhshme drejt rajonit të Ballkanit. Parashikimi i motit i rrjetit të BBC, bën me dije se stuhia me reshje të shumta shiu dhe dëbore do të përfshijnë kryesisht Shqipërinë dhe Greqinë por vende të tjera në rajon.

“Shi më i madh është parashikuar gjatë dy ditëve të ardhshme për pjesë të Italisë dhe Ballkanit. Stuhia po shkon drejt lindjes në Greqi dhe Shqipëri dhe gjithashtu po shtrihet në pjesën veriore, me temperatura të tepër të ulëta në pjesë të Rusisë, Polonisë dhe Gjermanisë”.