Lëkura Portokalli Dhe Uthull Molle/ Me Këtë Përbërje E Bëni Shtëpinë Xixë

LAJME

Një nga temat më të diskutuara në mesin a amvisave ka të bëjë me solucionet e pastrimit. Këto të fundit, përbëjnë një arsenal të mirëfilltë në shumë shtëpi shqiptare.

Në pjesën më të madhe të kohës, shumica e këtyre solucioneve janë industrialë dhe të dëmshëm për shëndetin.

Duke përkrahur një gjë të tillë, ekspertët ju këshillojnë përdorimin e uthullës me lëkura portokalli në pastrimin e shtëpisë.

Jashtë kuzhine, uthulla e bardhë përdoret edhe për pastrimin e shtëpisë sidomos në rastet kur dëshironi të hiqni dorë nga kimikatet që gjenden në produktet e tjera.

Kjo uthull përdoret për pastrimin e mjeteve me bazë kromi dhe inoksi.

Uthull Me Lëkura Portokalli, Solucioni Më i Mirë Pastrues i Shtëpisë. Për përgatitjen e këtij solucioni natyral pastrimi ju nevojiten:

Një kavanoz mesatar,

Lëkurat e dy portokalleve,

Uthull e bardhë.

Përgatitja:

Futini lëkurat e portokallit në kavanoz në formë rrethore dhe më pas mbusheni kavanozin me uthull molle. Mbylleni mirë me kapak dhe lëreni mënjanë në një vend të freskët e të errët për dy javë.

Më pas hiqini lëkurat e portokalleve dhe uthullën hidheni në një shishe spërkatëse.

Në pastrim ju këshillojmë të tresni uthullën në sasi të barabartë me ujin dhe me të mund të pastroni dyshemenë, xhamat, tryezën, banakun dhe sipërfaqe të tjera në shtëpi.

Përveç pastrimit këtë uthull mund ta përdorni edhe për zbutjen e flokut.

Kjo uthull mund të përdoret në vend të zbutësit tradicional por edhe për shpëlarjen e flokut.

Mjafton të përzieni një lugë gjelle nga uthulla me portokalle dhe një filxhan ujë.